Marathi Matrimony | सासुबाईंची कटकट होईल कायमची दूर; फॉलो करा या टिप्स

Anand Maratha | या पृथ्वीतलावर जन्मलेला प्रत्येक व्यक्ती ज्याच्या-त्याच्या जीवनशैलीप्रमाणे स्वतःचं संपूर्ण आयुष्य सुखमय आणि आनंदात जगण्याचा प्रयत्न करत असतो. अशातच दैनंदिन जीवन जगत असताना आपल्या घरातल्या तसेच सभोवतालच्या काही माणसांसोबत आपलं पटतं किंवा काहींशी पटत नाही. खासकरून प्रत्येक घरातील स्त्रियांना आपल्या नवऱ्याचा, मुलाबाळांचा आणि सासू-सासऱ्यांचा विचार करून आपली कामगिरी चोखपणे बजावायची असते, परंतु प्रत्येक गोष्टीमधील चुका काढून घरातील स्त्रीला अपमानित करण्याचा प्रयत्न काही घरातली मंडळी करत असतात. यामध्ये सर्वात मोठा हात हा सासूचा असतो.

बऱ्याच सुनांना सासूचे टोमणे ऐकत आयुष्य काढावं लागतं. अशी कोणतीच सून नाही, जिचं आपल्या सासूबरोबर जमत नाही. सासू-सुन ही जगातली  भांडण्यासाठीची जोडी म्हणून ओळखली जाते. जर तुम्ही देखील आपल्या सासूच्या बोलण्याला आणि सततच्या अपमानाला कंटाळले असाल तर, आता चिंता करण्याची काहीही गरज नाही. आज आम्ही या बातमीपत्रातून सासू बरोबर सुनेने कशा पद्धतीने डील करावं, जेणेकरून भांडणं  आपोआप कमी होऊ लागतील आणि घरामध्ये सुखशांती नांदेल याबद्दलच्या काही टिप्स आम्ही देणार आहोत.

1) बिनधास्त राहायला शिका :
बऱ्याच सुना आपल्या सासूच्या जाचामुळे घाबरून राहतात आणि याच गोष्टीचा फायदा घेऊन तुमची सासू तुम्हाला जास्त प्रमाणात छळू लागते. अशावेळी प्रत्येक सुनेने बिनधास्त राहायला शिकलं पाहिजे. एवढेच नाही तर बऱ्याचदा सासू किंवा घरच्यांकडून तुमचे कान भरले जाऊ शकतात. अशावेळी समोरच्याच्या बोलण्यामध्ये न येता कॉन्फिडंट राहून सगळ्या गोष्टी हाताळता आल्या पाहिजे.

2) मन आणि डोकं शांत ठेवा :
बऱ्याच सुना एकत्रित कुटुंबात राहत असतात. त्यामुळे प्रत्येकाचा शब्द झेलण्याची ताकद तुमच्यामध्ये असायला हवी. कोणत्याही व्यक्तीच्या निगेटिव्ह कमेंट्सचा परिणाम तुम्ही तुमच्या मनावर करून न घेता शांत डोक्याने घरात वावरलं पाहिजे.

3) नवऱ्याच्या नजरेत स्वतःची किंमत वाढवा :
बऱ्याच सुना सतत आपल्या सासू-सासर्‍यांची तक्रार नवऱ्याकडे करत असतात परंतु असं न करता, तुम्हीच स्वतः किती छान पद्धतीने सासुशी जुळवून घेण्याचा प्रयत्न करत आहात हे नवऱ्याला तुमच्या वागण्यामधून दाखवून द्या. कारण की, आपण कितीही काहीही केलं तरी काही लोकांचा स्वभाव बदलू शकत नाही. त्यामुळे आपण स्वतःलाच बदलून सुखी राहण्याचा प्रयत्न करावा.

BhagyaVivah Matrimony | Mali Vadhu Var | Anand Maratha

Disclaimer: भाग्यविवाह ऑनलाईन मॅगझीन हा भाग्यविवाह.कॉमचा भाग आहे. तुम्ही मराठी वधू-वर स्थळं शोधत असाल तर BhagyaVivah.com वेबसाईट किंवा अँप (Android आणि iOS) डाउनलोड करून ऑनलाईन मोफत नोंदणी करू शकता. यामध्ये सर्व-जातीय मराठी वधू-वरांची स्थळं घरबसल्या शोधू शकता.