BhagyaVivah | वधू-वरांना या गोष्टी माहिती आहेत? तर मॅट्रिमोनी वेबसाईटवर अधिक होकार मिळतील

BhagyaVivah | आज देशभरात लोकसंख्येमधील पुरुष आणि स्त्रियांमधील प्रमाण अत्यंत वाईट आहे. त्यामुळे लग्न करण्याच्या तयारीत असणाऱ्या वधू वरांना लग्न जमून येण्यास खूप उशीर होत असल्याचं पाहायला मिळतंय. विशेष म्हणजे खूप शिक्षण आणि पगार असणाऱ्या वधू-वरांची देखील तीच अवस्था असल्याचं पाहायला मिळतंय आणि परिस्थिती दिवसेंदिवस बिकट होताना दिसत आहे.

पूर्वीच्या लग्न विवाह पद्धतीत स्थळ शोधण्यासाठी अनेक मध्यस्त असायचे, ते देखील आता जवळपास संपुष्टात आले आहेत. स्थळ वधूसाठी शोधायचं असो किंवा वरासाठी, नात्यागोत्यातील लोकं सुद्धा हमी घेण्यास तयार नसतात. कारण, उद्या लग्न टिकलं नाही तर दोष आपल्याला दिला जाईल या भीतीने किंवा शंकेने नातेवाईक सुद्धा लग्नासाठी स्थळ शोधण्याच्या भानगडीत पडत नाहीत. परिणामी, दिवसेंदिवस लग्न जमवून आणण्यास खूप उशीर होत असल्याचं पाहायला मिळतंय.

अगदी अनेक जातीच्या लोकांच्या संस्था असल्या तरी तिथे फाईलमध्ये प्रोफाइल असण्यापलीकडे काहीच नसतं. मोठ्या प्रमाणात आज मुलं-मुली नोकरी किंवा छोटा मोठा व्यवसाय करत असल्याने त्यांना समाजाच्या कार्यालयात जाण्यासही वेळ नसतो. तर आठवड्यातून मिळणारी एक सुट्टी आपल्या जातीच्या संस्थेत जाऊन वधू-वरांच्या प्रोफाइल फाईल बघण्यात तरुण-तरुणींना जराही रस नसतो. परिणामी, लग्नाचं वय कोणत्या ना कोणत्या कारणाने वाढत राहतं.

यावर सोपा उपाय म्हणजे अशी स्थळं आणि त्यांचे प्रोफाइल ऑनलाईन पाहणं. पण येथे सुद्धा एक चूक इच्छुक वधू-वर किंवा त्यांचे पालक करतात. ऑनलाईन मॅट्रीमनी साईट्सवर नोंदणी तर करतात, पण माहिती भरताना देखील गंभीर दाखवत नाहीत. उदाहरणार्थ, हातात मोबाईल असूनही प्रोफाईलसोबत फोटो अपलोड न करणे. आपल्या भावी जोडीदाराबद्दल काय अपेक्षा आहेत, त्याबाबत थोडक्यात का होईना, पण माहित न देता, “I am cool” “No Expectations” “Best Friend” इतकंच लिहून लग्नाच्या वयात समोरच्याला स्वतःचा बालिशपणा दाखवतात. अशा वधू-वरांचे प्रोफाईल्स नेहमी दुर्लक्षित केलं जातात. कारण त्यावरून तुम्ही लग्न या विषयाबाबत किती गंभीर आहात हे कळत. त्यामुळे ऑनलाईन मॅट्रीमनी साईट्सवर प्रोफाईलसोबत फोटो अपलोड करून संपूर्ण फॉर्म भरणं आवश्यक असतं. जे 70 टक्के वधू-वर करत नाहीत असा रिसर्च समोर आला आहे.

देशभरातील मँट्रिमोनी साईट्स म्हणजे ऑनलाईन वधू-वर नोंदणीची सेवा देणाऱ्या कंपन्यांच्या संशोधनात अजून काही गोष्टी समोर आल्या आहेत, ज्यामुळे वधू किंवा वराने जरी एखाद्याला इंटरेस्ट पाठवले तरी त्यावर प्रतिक्रिया (होकार-नकार) येत नाहीत. अपेक्षित स्थळांबद्दल अधिक अपेक्षा बाळगणे यामध्ये काही चुकीचे नाही. पण अजून चांगलं मिळेल या अपेक्षेने अनेकजण आलेल्या प्रोपोझलला होकार किंवा नकार ने देता झुलवत ठेवतात. हा दोष केवळ वधू-वरांचा किंवा त्यांच्या पालकांचा असतो. यामध्ये मॅट्रीमनी साईट्सचा काहीच रोल नसतो. त्यामुळे यावर निष्कारण मॅट्रीमनी साईट्सला दोष देण्यात काहीच अर्थ नसतो. कारण कोणत्या स्थळाला होकार किंवा नकार द्यावा हा सर्वस्वी वधू-वर आणि त्यांच्या पालकांचा अधिकार असतो.